‘Lot gëzimi’, Senati miraton planin ambicioz të Biden për taksat, klimën e shëndetësinë

Duke votuar si një bllok i unifikuar dhe me votën përfundimtare të hedhur nga zëvendëspresidentja Kamala Harris, demokratët kanë miratuar planin e shpenzimeve qindra miliardë dollarësh, i cili do të shkojë në Dhomën e Përfaqësuesve javën e ardhshme, ku pritet të kalojë përpara se të nënshkruhet në ligj nga Biden. Udhëheqësi i shumicës në Senat, Chuck Schumer, tha se Akti i Reduktimit të Inflacionit do të qëndrojë si një nga hapat përcaktuese legjislative të shekullit të 21-t.

“Sot, pas më shumë se një viti punë të palodhur, Senati po bën histori. Projektligji ynë ul inflacionin, ul kostot, krijon miliona vende punë me pagesë të mirë dhe është paketa më e guximshme e klimës në historinë e SHBA-së.Për amerikanët që kanë humbur besimin se Kongresi mund të bëjë gjëra të mëdha, ky projekt-ligj është për ju.“- tha Shuck

Plani, do të përfshijë investimin më të madh të SHBA-së ndonjëherë për klimën — 370 miliardë dollarë që synojnë të ndikojnë në një ulje prej 40 për qind të emetimeve të gazrave serrë deri në vitin 2030.  Kjo do t’i jepte Biden një fitore të qartë në një nga pikat kryesore të agjendës së tij dhe të shkojë në njëfarë mënyre drejt rivendosjes së lidershipit të SHBA në përballimin e sfidës globale të klimës.

Po ashtu plani parashikon të  rrisë taksat e korporatave dhe të ulë kostot e kujdesit shëndetësor si pjesë e një pakete që tejkalon 700 miliardë dollarë, të cilën Shtëpia e Bardhë thotë se do ta paguajë vetë.

Biden përshëndeti miratimin e projektligjit, duke theksuar punën që u bë në të — dhe duke pranuar se jo të gjithë janë të kënaqur me rezultatin përfundimtar.

“Kërkonte shumë kompromise. Bërja e gjërave të rëndësishme pothuajse gjithmonë kërkon. Dhoma duhet ta miratojë këtë sa më shpejt që të jetë e mundur dhe mezi pres ta nënshkruaj atë në ligj,” tha presidenti në një deklaratë.

Top Channel