Hera e parë që nga 7 tetori, administrata Biden pezulloi dërgesën e municioneve në Izrael 05/05 18:43
Inspektorët hipën të mërkurën në anijen e parë të mallrave që u largua nga Ukraina që kur Rusia pushtoi fqinjin e saj, pasi anija u ankorua në Stamboll.
Zyrtarët rusë, ukrainas, turq dhe ata të OKB-së do të kontrollojnë nëse dërgesa me drithëra është në përputhje me një marrëveshje të nënshkruar muajin e kaluar nga Moska dhe Kievi për të zhbllokuar eksportet bujqësore të Ukrainës dhe për të lehtësuar krizën globale të ushqimit.
Anija Razoni me flamurin e Sierra Leone, për të cilën Kombet e Bashkuara thonë se mban 26.527 ton misër, u nis të hënën nga Odesa në bregun e Detit të Zi të Ukrainës. Destinacioni i tij përfundimtar është Libani.
Kontrollet synojnë të sigurojnë që anijet hyrëse nuk mbajnë armë dhe se ato që dalin kanë vetëm drithëra, plehra ose artikuj ushqimorë të lidhur, jo ndonjë mall tjetër.
Më shumë anije nga Ukraina pritet të nisen në ditët në vijim, duke rritur shpresën se mungesa e ushqimit në botë mund të zbutet. Sipas zëdhënësit të OKB-së, Stephane Dujarric, rreth 27 anije kanë qenë duke pritur në tre porte të Ukrainës me ngarkesa dhe kontrata të nënshkruara, gati për t’u nisur.
Rreth 20 milionë tonë drithë janë ngecur në Ukrainë që nga fillimi i luftës. Marrëveshja e ndërmjetësuar nga OKB muajin e kaluar për lirimin e grurit kërkon krijimin e korridoreve të sigurta përmes ujërave të minuara jashtë porteve të Ukrainës.
Top Channel
