Historia tragjike e Mondit/ Gruaja i ndërroi jetë 43 vjeç nga kanceri, ai i vetëm me dy fëmijë! I fortë, por mes shumë vuajtjesh 15/11 22:56
Një ”personazh me profil të lartë politik” me iniciale I.M rezulton të ketë qenë bashkëpunëtor i ish-Sigurimit të Shtetit, tha sot Autoriteti për Informim mbi Dosjet e Sigurimit te Shtetit.
Pas njoftimit që u bë përmes një postimi në rrjetin social “Facebook”, ka ardhur reagimi nga Partia e Lirisë, më konkretisht e bashkëpunëtorit të Ilir Metës.
Tedi Blushi, në statusin e tij e quan qesharak deklaratën e Autoritetit të Dosjesve të ish-Sigurimit dhe i kërkon të hapë çdo dosje të sistemit komunist.
Sipas Blushit, gjithçka vjen një ditë pas ndryshimit të emrit të LSI në Partia e Lirisë, ç’ka sjell edhe Ilir Metën në politikën aktive.
Reagimi i tij shton dyshimet se politikani i lartë me inicialet I.M., siç e quan Autoriteti i Dosjeve, mund të jetë ish-presidenti Ilir Meta.
Reagimi i plotë:
“Ha Ha Ha… Autoriteti i Dosjeve u kujtua t’i kërkojë Kuvendit të ndryshojë ligjin “Për të drejtën e informimit për dokumentet e ish-Sigurimit”, një ditë pas themelimit të Partisë së Lirisë, se gjoja një politikan i nivelit të lartë I.M, figuron bashkëpunëtor i Sigurimit të Shtetit dhe qenka përpjekur për t’u fshehur nga verifikimet dhe për këtë u dashka bërë një ligj i veçantë.
Mos e lodhni kot Kuvendin me këtë punë, se ka çështje të tjera më të rëndësishme për t’u marrë si aferën skandaloze të inceneratorëve apo Marrëveshjen e Detit me Greqinë (kujtoni letrën e fundit të Presidentit të Republikës për të gjithë deputetët).
Latë nam me patronazhistët e sotëm ju që paskeni merakun e “patronazhistëve” të komunizmit”
I bëjmë thirrje Autoritetit të Dosjeve të hapë që sot dhe të bëjë publike çdo dosje dhe informacion të sigurimit të shtetit dhe gjithçka tjetër, përfshirë edhe procesverbalet e organizatës së rinisë të asaj kohe! Jetojmë në kohën e “pavarësisë” së institucioneve, por edhe të TRANSPARENCËS, që nuk do të ndalet”, shkroi Tedi Blushi.
Top Channel
