Video/ E rëndë situata e zjarreve në Lezhë, rrezikohen banesat në lagjen “Nënë Tereza”

Lagjia “Nënë Tereza” ende në friken e zjarrit. Lufta me flaket për të mbrojtur banesa e biznese vijon që prej orëve të paradites.

Zjarri që nisi ditën e djeshme në dalje të Lezhës vijon të jete kritik. Ai u riaktivizua sot rreth orës 10:00 dhe në pak kohe u përhap shume duke krijuar  panik tek banoret dhe bizneset që ndodhen ne zone.

Beteja është  përqendruar  përballe lagjes se Frutores, zone ku flaket janë afruar shumë pranë banesave. Njëra prej banesave rrezikonte seriozisht, por ishte zjarrfikësja e ushtrisë qe ndodhej pranë qe ndërhyri në kohe dhe pengoi zjarrin te digjte banesën.

Situata vijon te jete kritike për shkak te pa mundësisë të zjarrfikësve për të hyre më në thellësi gjithashtu dhe era po ndihmon në përhapjen e flakëve. Ushtria është dislokuar në zonë edhe me trupa, por zjarri kërkon ende kohë për tu vëne plotësisht nën kontroll, gjithashtu kanë ardhur në ndihmë zjarrfikëse nga Shkodra, Tirana dhe Kamza. Në dispozicion janë dhe forca e policisë për mbarëvajten e qarkullimit si dhe për tu ardhur në ndihmë banoreve në çdo moment.

Top Channel