Vidhte kabujt elektrikë të ndriçimit të qytetit, vihet në pranga 34-vjeçari
09/07/2022 13:08
E rëndë në Tiranë, 26-vjeçarja hidhet nga kati i pestë i pallatit ku banon 01/05 22:25
Një 34-vjeçar me inicialet E. R, është arrestuar në Durrës ditën e sotme, pasi vidhte kabuj elektrikë të ndriçimit të qytetit të Durrësit.
Nisur nga denoncimet e bëra nga Bashkia Durrës dhe nga shqetësimet e qytetarëve, të adresuara në Policinë e Durrësit, se një shtetas këpuste kabujt e furnizimit me energji elektrike, me qëllim vjedhjen e tyre, duke lënë për pasojë, në errësirë, rrugët e qytetit të Durrësit, menjëherë policia ka organizuar punën për identifikimin dhe kapjen e autorit.
Pas disa ditësh hetime dhe ndjekjeje u bë e mundur kapja dhe arrestimi në flagrancë i shtetasit:
-E. R., 34 vjeç, banues në Durrës.
Gjithashtu shërbimet e Policisë i gjetën dhe i sekuestruan këtij shtetasi, në cilësinë e provës materiale, rreth 350 metra kabuj elektrikë që i kishte këputur dhe vjedhur nga shtyllat e ndriçimit të rrugëve të qytetit të Durrësi.
Në bashkëpunim me Prokurorinë pranë Gjykatës së Rrethit Gjyqësor Durrës, vijon puna për dokumentimin e plotë të vjedhjeve të tjera të kryera nga ky shtetas.
Materialet procedurale i kaluan Prokurorisë, për veprime të mëtejshme.
Top Channel
