A po punoni për interesa të Serbisë? Si përgjigjet Rama krah Kurtit në Kosovë

“Pyetjet ishin Prishtina coffe news. Mbase ju keni të drejtë se krijon audiencë. Së pari, po marr pyetjen me Hagën, jemi duke përgatitur një rezolutë për Kuvendin e Shqipërisë. Do të shkoj në Strasburg, në rastin më të parë në shtator, për t’iu drejtuar Këshillit të Evropës, për një fakt që është pabazueshmëria totale e raportit të Dick Martit si edhe influenca ruse mbi këtë përrallë. Duke patur parasysh që akuza e trafikut të organeve është e përsëritur, dhe në KS Rusia ka goditur me një fjalim të ambasadorit të saj, dhe në aktakuzës e Thaçt Veselit, Krasniqit dhe Selimit nuk ka asnjë fakt të lidhur me Dick Martin që ishte shkaku pse u mor rruga për të shkuar në Gjykatën Speciale. Për këtë dikush duhet të hapë veshë. Sponsorat e atij tribunal duhet të dëgjojnë. S’ka asnjë gjë në atë aktakuzë. Zero.

Proserbizmi im, unë jam më shumë se kaq, jam vëllau i Vuqiqit, përtej kësaj dua të them këtë që këndvështrimi im është se nuk na duhet një Serbi e radikalizuar, dhe na duhet të bëjmë cmos të rrisim të gjitha ato mundësi që e integrojnë këtë pjesë të europës në një nivel tjetër ndërveprimi ekonomik dhe shoqëror.

Nuk hyj në cështjen e  administrimit të dialogut mes Kosovës e Serbisë, ashtu sikundër nuk besoj se qasja joë e ndryshme ndaj Serbisë, dëmton qasjen përfundimtare.  Thënë këto, përsëris se me Albinin kemi një marrëdhënie të kahershme, miqësore dhe do jetë e tillë gjithmonë. Jemi të qetë. Mbase do habiteni dhe thoni ky qenka vëllai i Vuqiqit qenka vëllai i Albinit, por më lini të jem vllau i dyve se mund t’ju duhem në të ardhmen” u përgjigj Rama.

Top Channel