E enjtja e aksidenteve! Tre mjete përplasen me njëra-tjetrën në aksin Fier-Levan

19/05/2022 23:46

Një aksident që shkaktoi tre të plagosur ndodhi këtë mbrëmje në aksin Fier-Levan.

Tre automjete, një “Benz”, një “Ford” dhe një “BMV X5” janë përplasur me njëra-tjetrën në afërsi të zonës që njihet si “Liqeni”.

Të plagosur kanë mbetur tre shoferët, që janë dërguar në spitalin e Fierit.

Nuk dihet ende çfarë shkaktoi aksidentin.

Këtë të enjte në të gjithë vendin kanë ndodhur disa aksidente, që Kukës, Lezhë e Fier, ku të vdekur mbetën katër persona.

Njoftimi i policisë:

Sot rreth orës 22:50, në vendin e quajtur “Qafa e Koshovicës”, janë përplasur automjetet tip “Bmw”, “Ford” dhe “Benz” me drejtues përkatësisht shtetasen B. B., shtetasin I. A. dhe shtetasin A. M., të cilët kanë marë dëmtime të lehta.

Grupi hetimor po punon për zbardhjen e rrethanave të aksidentit.

Top Channel