Tragjedi në kanalin e La Manshit, mbytet varka me emigrantë që tentonin të mbërrinin në Britani, mes viktimave një grua dhe një fëmijë 23/04 11:35
UNICEF ka verifikuar se afërsisht 100 fëmijë u vranë në Ukrainë vetëm në muajin prill, por shifrat aktuale mund të jenë më të larta.
“Vetëm gjatë muajit të kaluar, OKB-ja verifikoi se rreth 100 fëmijë u vranë dhe ne besojmë se shifrat aktuale janë dukshëm më të larta”, tha zëvendësdrejtori ekzekutiv i UNICEF-it, Omar Abdi.
Një zyrtar i lartë i UNICEF-it në Këshillin e Sigurimit të OKB-së tha se konflikti ka krijuar një krizë për mbrojtjen e fëmijëve.
“Më shumë fëmijë janë plagosur dhe janë përballur me shkelje të rënda të të drejtave të tyre, miliona të tjerë janë zhvendosur. Lufta në Ukraina, si të gjitha luftërat, është një krizë e mbrojtjes së fëmijëve dhe të drejtave të fëmijëve”, u shpreh ai.
Abdi tha se arsimimi është gjithashtu nën sulm dhe se shkollat vazhdojnë të përdoren për qëllime ushtarake.
“Që nga java e kaluar, të paktën 15 nga 89, një në gjashtë shkollat e mbështetura nga UNICEF në Ukrainën lindore ishin dëmtuar ose shkatërruar që nga fillimi i luftës. Qindra shkolla në të gjithë vendin raportohet se janë goditur nga artileria e rëndë, sulmet ajrore dhe armë të tjera shpërthyese në zonat e populluara”, tha zyrtari.
Top Channel
