Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Zonja e Parë e SHBA-së, Jill Biden ka vizituar këtë të shtunë gra dhe fëmijë ukrainas të cilët janë strehuar në Rumani prej luftës në Ukrainë.
Zonja e parë e Amerikës dëgjoi histori rrëqethëse teksa vizitonte një shkollë që priste studentë refugjatë.
Vizita e saj në Evropën Lindore vjen ndërsa presidenti Joe Biden po i bën presion Kongresit që të kalojë një shtesë prej 33 miliardë dollarësh për ndihmë ekonomike dhe sigurie.
“Ne jemi me ju”, u tha zonja e parë nënave të disa prej studentëve, pasi vizitoi klasat ku fëmijët e moshës 5 deri në 15 vjeç ndjekin tashmë shkollën, sipas Sky News.
Gjatë një bisede me një vajzë të re ukrainase, fëmija i tha asaj përmes një përkthyesi: “Dua të kthehem te babai im!“. Dr. Biden më vonë u tha gazetarëve se fjalët e vajzës ishin “zemërthyese”.
“Unë mendoj se nënat bëjnë gjithçka për fëmijët e tyre”, u tha zonja e parë, duke i quajtur ato gra të forta.
Rreth 7,000 ukrainas kalojnë kufirin dhe mbërrijnë në Rumani çdo ditë, tha Pablo Zapata, përfaqësuesi rumun për agjencinë e OKB-së për refugjatët.
“Ne të gjithë shpresojmë, apo jo”, u tha Dr Biden gazetarëve. “Ne zgjohemi çdo mëngjes dhe mendojmë se kjo duhet të marrë fund, por ende vazhdon dhe vazhdon.”
Zonja Biden është në ditën e dytë të një udhëtimi katër-ditor në Rumani dhe Sllovaki që është projektuar për të treguar mbështetjen e SHBA-së për refugjatët ukrainas.
Top Channel
