Gjykata e Tiranës ka lënë në fuqi masën “arrest me burg” për dy efektivët e komisariatit nr.5 në Kamëz, aty ku një muaj më parë mbeti i vdekur një 26-vjeçar për shkak të zjarrëvënies.
Masa “arrest me burg” është lënë në fuqi për efektivin Hajredin Boja, i cili tentoi të shpëtonte të riun që i vuri flakën dyshekut si dhe inspektorin Fatmir Isufi.
Gjykata e ka cilësuar të ligjshëm arrestimin e tyre, pas ankinimit të vendimit të Gjykatës së Tiranës nga inspektori Fatmir Isufi.
Dy oficerët e sigurisë u arrestuan për veprat penale “shpërdorim detyre” dhe “mosdhënia e ndihmës”, pasi dyshohet se nuk kanë kryer kontrollin për mjetet ndezëse për 4 të paraburgosurit, ndërsa 3 policë të tjerë u proceduan në gjendje të lirë.
Si pasojë e flakëve dhe asfiksisë ndërroi jetë në spital Arben Mici, arrestuar për “Dhunë në familje”, i cili dyshohet se i vuri zjarrin me çakmak dhomës ku po qëndronte, për shkak të gjendjes së rënduar psikologjike.
Top Channel
