Besimtarët e Krishterë në Shkodër kanë nisur kremtimin e Pashkëve, me meshën e vigjiljes, në Katedralen e “Shën Shtjefnit”.
Në mesazhin e tij, Arqipeshkvi Imzot Angelo Massafra tha se Shqipëria dhe bota po kalojnë momente të vështira për shkak të luftës në Ukrainë.
Ai i bëri thirrje politikanëve që të duan më shumë dhe të punojnë për vendin e tyre, ndërsa nga rinia kërkoi që të qëndrojnë në Shqipëri bashkë me familjet e tyre.
Festimet vazhduan me meshën e së Dielës së Madhe ndërsa për herë të parë që pas nisjes së pandemisë, Kisha Katolike në Shkodër ka lajmëruar se do të presë vizita dhe urime nga politikanët, qytetarët dhe kleri fetar.
Top Channel
