Një qendër masazhesh që shfrytëzohej për prostitucion është zbuluar në Tiranë, në rrugën “5 Maji”, ku në pranga është vënë administratori i biznesit Ardit Buci.
Pas kontrolleve të policisë është konstatuar që 29-vjeçari Ardit Buci shfrytëzonte qendrën e masazheve për aktivitetin e kundërligjshëm të prostitucionit, si pasojë është vënë në pranga për veprën penale “Shfrytëzimi i prostitucionit” dhe “Mbajtja e lokaleve për prostitucion”.
Gjithashtu, u procedua penalisht në gjendje të lirë shtetasja E. M., 37 vjeçe, për veprën penale “Prostitucioni”.
Përveç aktivitetit të regjistruar ligjërisht si qendër masazhesh, në këtë ambient ushtrohej edhe aktiviteti i kundërligjshëm i prostitucionit.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
Top Channel
