Reforma në Drejtësi, Meta reagon sërish nga burgu: Jam krenar që kam kundërshtuar këtë grusht shteti! Qëllimi ka qenë… 15/11 22:53
Anëtari i Komisionit të Rithemelimit, Eno Bozdo tha se largimi i Lulzim Bashës nga PD-ja nuk ishte i sinqertë.
I ftuar këtë të enjte në Top Story, ai e quan demokratin krizën e PD-së dhe se ai thjesht është tërhequr nga partia.
“Nëse Basha u largua për t’i dhënë një zgjidhje krizës largimi duhet të ishte i sinqertë. U refuzua të shikohej realiteti, gjithçka, vetëm kokëfortësia e fakteve. Vendimi i gjykatës, që ai të largohej. Për sa kohë ai ka lënë kreun e grupit parlamentar , do të bëhet dhe kjo në momentin dhe çastin e duhur. Ne nuk erdhëm për të shkarkuar Alibeajn, ai mori gjithë respektin për këtë gjë. Gabimet në këtë rast ishte përjashtimi në atë mënyrë i Berishës. Atë që Basha la jashtë, Alibeaj po e tërheq. Kemi nevojë të rishpikim veten tonë. I fituari i madh është Edi Rama nëse nuk e zgjidhim. Realiteti nuk është gjykata, por populli dhe vota”, tha Bozdo.
PD-ja ndodhet ende në një krizë edhe pas dorëheqjes së Lulzim Bashës, pasi Grupi i Rithemelimit akuzon Alibeajn si vijues të lojës së Edi Ramës dhe Bashës për të përçarë PD-në.
Nga ana tjetër, Alibeaj nuk pranoi që Berisha të ishte pjesë e mbledhjes së Grupit Parlamentar të partisë, por ky i fundit nuk e zbatoi urdhrin dhe u bë pjesë e tavolinës në selinë blu.
Gjatë mbledhjes së Grupit Parlamentar të PD-së të thirrur nga kryetari i komanduar Enkelejd Alibeaj të martën u shoqërua me debate mes mbështetësve të Berishës dhe Alibeajt. Berisha gjithashtu i kërkoi Alibeajt që të jepte dorëhqjen duke u shprehur për mediat se do ta ndjekë fati i Bashës.
Në mbledhje nuk mori pjesë ish-kryedemokrati Lulzim Basha, si edhe deputetët Agron Gjekmarkaj, Grida Duma, Alfred Rrushaj, Flutura Açka, Belind Kelliçi, Dash Sula, Ferdinand Xhaferri, Bujar Leskaj dhe Agron Shehaj.
Top Channel
