Një turist polak ka kërkuar ndihmë këtë të premte, pasi është rrëzuar në “Kanionet e Gjipesë” në Vlorë.
Në një terren të vështirë policia dhe zjarrfikësit po mundohen të shpëtojnë turistin polak. Sipas informacioneve, ai ka pësuar frakturë në njërën këmbë.
“Më datë 08.04.2022, rreth orës 13:30, në Sallen e Komandës dhe Kontrollit DVP Vlorë, është marrë një telefonatë nga një shtetas Polak, turist, i cili ka kërkuar ndihmën e Policisë, pasi ishte rrëzuar në vendin e quajtur “Kanionet e Gjipesë” dhe ka pësuar frakturë në një këmbë. Menjëherë në drejtim të tij janë nisur shërbimet e Policisë Himarë, MNZ Himarë dhe një mjet i Urgjencës Mjekësore. Gjithashtu janë nisur forca policie më të specializuara, konkretisht Delta Forcë, pasi terreni ku ka mbetur turisti polak është shumë i vështirë”, sipas policisë.
Top Channel
