![](https://top-channel.tv/wp-content/uploads/2024/07/0-2024-07-26T221509.575-800x450.jpg)
26/07 22:15
Ministri i Jashtëm rus, Sergei Lavrov ka anuluar vizitën e tij në Kombet e Bashkuara në Gjenevë për shkak të sanksioneve anti-ruse të vendosura nga vendet e BE-së.
Lavrov ishte planifikuar t’i drejtohej personalisht të martën këshillit të OKB-së për të drejtat e njeriut dhe konferencës për çarmatimin.
“Udhëtimi anulohet për shkak të një ndalimi të paprecedentë të fluturimit të tij në hapësirën ajrore të një numri vendesh të BE-së që kanë vendosur sanksione anti-ruse”, shkroi misioni rus në Twitter.
Sipas agjensisë së lajmeve “RIA” vendimi erdhi për shkak se avioni i Lavrov nuk do të mund të kalonte nëpër hapësirën ajrore që BE-ja e ka mbyllur për linjat ajrore ruse si pjesë e sanksioneve kundër Moskës.
Top Channel