Haradinaj për shtrenjtimin e rrymës: Çmimi i mashtrimit të Qeverisë Kurti

Në një postim në Facebook, Haradinaj shkruan se çmimi i energjisë nuk është ngrit me 9%, por është “rrit aq sa as mafia energjetike nuk e ka pritur”.

“Ju qeveri e VV-së mbase mund edhe të mburreni se po reduktoni shpenzimet e administratës publike e bile edhe në kuvend ju mund të pini ujë nga ujësjellësi, por ju po goditni në mirëqenien e qytetarit në shifra tepër të mëdha. Jo veç 100 milionë euro taksa të qytetarit por shumë më shumë keni shpenzuar për energji këtë gjysmë dimri sepse jeni të paaftë dhe prireni nga mashtrimi”, shkruan kreu i AAK-së.

Postimi i plotë:

Që nga fillimi, kurrë nuk kemi pas asnjë dilemë që gjithçka për çka qëndroi VV dje, sot është mashtrim dhe demagogji në qeverisje.

Ata që nuk na besuan kësaj radhe do të paguajnë nga xhepi i tyre muajin e parë pas aplikimit të tarifave të reja.

Ndarja tarifore që nënkupton rritje minimale për shpenzuesit prej 600 kilovat është mashtrim që nuk mbulohet.

Rritja do të jetë shumë më e madhe për të gjithë që jetojnë në Kosovë kurse banesat dhe shtëpitë e zbrazëta të diasporës tonë dhe mijëra apartamente të zbrazëta nuk do të mjaftojnë që të maskojnë dëmin që do të ketë xhepi i qytetarit.

Ju qeveri e VV-së mbase mund edhe të mburreni se po reduktoni shpenzimet e administratës publike e bile edhe në kuvend ju mund të pini ujë nga ujësjellësi, por ju po goditni në mirëqenien e qytetarit në shifra tepër të mëdha.

Jo veç 100 milionë euro taksa të qytetarit por shumë më shumë keni shpenzuar për energji këtë gjysmë dimri sepse jeni të paaftë dhe prireni nga mashtrimi.

Për ju, jo substanca por pamja është primare.

Ky dhe dimrat tjerë do të jenë të gjatë, të errët dhe qe besa edhe të shtrenjtë për qytetarin e Kosovës dhe atë në shumë fusha, jo vetëm në energji.

Top Channel