Studim/ Lajmet për politikën po ju dëmtojnë zemrën! Ja çfarë thonë ekspertët 05/05 21:53
Banorët në Benin i bënin sot homazh zotave të besimit Vudu, fesë afrikane që adhuron “shpirtrat natyrorë të pararendësve të respektuar”.
Në qytezën Uidah, në brigjet e oqeanit Atlantik besimtarët i bëjnë homazh zotit më të famshëm vudu, Mami Vata.
Teksa valët e oqeanit përplasen në zonat jugore të vendit, besimtarët brohorasin për të pritur ditën kombëtare të festës.
Çdo 10 janar vendi që dikur ishte qendër e tregtimit të skllevërve, feston me veshje të bardha të zbukuruara me perla.
“Çdo janar vijmë në Uidah sepse këtu është plazhi dhe fryma e këtij celebrimi”, thotë 70 vjeçari Hunon Eveole, i cili ka ardhur nga vendi fqinjë Togo.
“Mami Vata nuk është një shenjtore e thjeshtë, ajo është mbretëresha e ujit dhe jeton në det”, shton ai.
Miliona skllevër kalonin më parë përmes Uida drejt Botës së Re dhe përhapnin fenë e tyre afrikane.
Sot besimi ka rreth 50 milionë ndjekës në të gjithë botën, që nga Brazili, në Haiti apo në shtetin jugor amerikan të Louisiana.
Top Channel
