Fonseca shumë pranë shkarkimit, Milani gati t’i rikthehen “dashurisë së vjetër”/ Ja kush pritet ta zëvendësojë portugezin 20/12 10:50
Sadio Mane dhe Mohamed Salah do të jenë dy mungesat e mëdha të Liverpool në ditët në vijim për shkak se lojtarët janë të impenjuar me kombëtaret e tyre në Kupën e Afrikës e cila starton më datë nëntë janar.
Ndaj, të kuqtë janë të detyruar të ndërhyjnë në merkato duke qenë edhe se skuadra nuk po ia del të ruajë hapin e Manchester Cityt në kampionat. Kështu, për të plotësuar organikën e trajnerit Jurgen Klopp, drejtuesit kanë menduar të bëjnë një goditje të madhe teksa nën “shënjestër” është vënë 24-vjeçari i Portos, Luis Dias.
Kolumbiani mund të mbulojë disa role në fazën offensive teksa aktivizohet në të dyja krahët e mesfushës, ndërsa këtë sezon ka shënuar plot 12 gola në 14 paraqitje. Duke njohur cilësitë e futbollistit, por edhe faktin se ka një kontratë deri në vitin 2024, Porto është e bindur të mos e lëshojë Dias pa një ofertë prej 80 milionë euro.
Ndërkohë, sipas The Sun, Liverpool nuk shkon më shumë se një ofertë prej 72 milionë eurosh, por diferencat financiare që mund të sheshohen edhe nga dëshira e lojtarit për t’u transferuar në një kampionat si Premier League.
Top Channel
