Arbitri thith kokainë?! Brenda pak ditësh ndryshon jeta dhe karriera e gjyqtarit anglez 14/11 15:54
Briken Çalja është konfirmuar kampion bote në peshëngritje. Këtë të enjte dolën rezultatet e testeve antidoping të kryera pas Botërorit të Peshëngritjes, të mbajtur në Tashkent të Uzbekistanit në fillim të këtij muaji.
Lajmi i mirë është që të gjithë sportistët shqiptarë rezultuan negativë në këto teste antidoping. Një fakt i tillë, i konfirmon Briken Çaljas të tre medaljet e fituara në këtë kampionat Botëror.
Peshëngritësi shqiptar garoi në peshën deri në 73 kg në këtë kampionat, ku fitoi medaljen e artë në stilin e shkëputjes me 156 kg të ngritura, ndërsa në stilin e shtytjes dhe dygarësh fitoi medaljen e argjendtë me 186 kg në shtytje dhe 342 kg në dygarësh.
Vlen të kujtohet se Briken Çalja në Lojërat Olimpike të Tokios vetëm për 1 kg në dygarësh humbi medaljen e bronztë që do të ishte një rezultat historik për peshëngritjen shqiptare për sa u përket olimpikeve.
Top Channel
