Dy persona të infektuar me koronavirus në vendin tonë janë bartës të variantit “Omicron”, deklaroi sot epidemiologia Eugena Tomini.
Tomini theskoi se aktualisht varianti dominues i koronavirusit është varianti “Delta”, i cilësuar si më transmetueshëm.
Duke shpjeguar se “Omicron” ka veti për t’u shpërndarë shumë herë më shpejt se variantet e mëparshme, Tomini tha se “në të tilla kushte është i domosdoshëm, respektimi i masave kufizuese”.
Në një intervistë për Top Channel, epidemiologu Ilir Alimehmeti shpjegoi se nuk e sheh shqetësues futjen e mutacionit “Omicron” në vendin tonë, përkundrazi mund ta ulë situatën.
Studimet e kryera në vendet e prekura tregojnë se “Omicron” nuk i prek shumë mushkëritë ndaj nuk shfaq klinike të rëndë.
Në lidhje me vdekjet Alimehmeti thotë se mungojnë të dhënat:
“Humbje jete ka si në mosha të reja ashtu dhe mosha të mëdha, por kjo për shkak të mos vaksinimit nga moshat e reja dhe rënies së imunitetit tek moshat e mëdha, pasi imuniteti nga vaksinat zgjat vetëm 6 muaj dhe ritmet e e vaksinimit me dozë të tretë nuk janë ato të pritshmet”.
Top Channel
