Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Dy 23-vjeçarë janë akuzuar për terrorizëm më 8 dhjetor në Francë. Pas arrestimit të tyre u zbulua se kishin planifikuar të kryenin sulme me thika në hapësira publike gjatë kohës së festave të fundvitit.
Shërbimi inteligjent në Francë, arrestoi dy burrat kah fundi i nëntorit në dy zona të ndryshme në periferi të Parisit. Shërbimi inteligjent pranoi informata për planifikim të sulmeve të mundshme, tha një burim i afërt me rastin, raporton AFP.
Të dy, u akuzuan për terrorizëm më 3 dhjetor dhe mbetën në paraburgim, tha burimi duke konfirmuar kështu raportimet e para të publikuara në gazetën, Le Parisien.
Plani i dy të arrestuarve ishte të sulmonin njerëz në qendra tregtare por edhe rrugë, raporton REL.
Burimi i informuar për rastin tha se dy burrat madje diskutuan se ku do të duhej të “vdisnin si martirë”, duke shtuar se plani ishte i inspiruar nga xhihadistët.
Dyshja, sipas burimit, u njoh në rrjetet sociale e më pas u takua edhe fizikisht.
Në Francë kanë ndodhur disa sulme terroriste që nga viti 2015, ndërsa qindra njerëz janë vrarë e vendi u detyrua të rrisë nivelin e sigurisë.
Top Channel
