Plagosje me armë zjarri me silenciator në mes të Shkodrës, detajet e para
29/11/2021 18:43
8 mijë paund për kalimin me gomone në La Mansh/ Dënohet shqiptari në Angli, zbardhen bisedat me klientët 23/04 15:47
Një plagosje e dyshuar me armë zjarri silenciator është regjistruar pak minuta më parë në qendër të qytetit të Shkodrës.
Burime për Top Channel konfirmojnë se i plagosur ka mbetur ish-deputeti dhe ish-kryetari i Komunës së Velipojës, Pashko Ujka. Ai është dërguar në spitalin rajonal të Shkodrës ku i është nënshtruar ndihmës mjekësore.
Ngjarja ka ndodhur pranë zonës së njohur si lulishtja e Universitetit ku autori ka shfrytëzuar errësirën për të qëlluar ndaj shënjestrës dhe më pas është arratisur nga vendngjarja.
“Rreth orës 18:15, në lagjen “Vasil Shanto” Shkodër, në rrethana ende të paqarta është plagosur me armë zjarri shtetasi P. U., 64 vjeç, i cili ndodhet në spital nën kujdesin e mjekëve. Në vendngjarje kanë mbërritur menjëherë shërbimet e Policisë dhe vijon krehja e zonës me qëllim kapjen e autorit”, njofton policia.
Grupi hetimor nën drejtimin e Prokurorisë po vijon punën për sqarimin e rrethanave dhe zbardhjen e ngjarjes.
Top Channel
