Protestat, 2 mijë të arrestuar. Policia nis pastrimin e tendave në universitetet e SHBA
05/05 22:56
Një delegacion ligjvënësish të Shteteve të Bashkuara mbërriti në Tajvan, zhvillim ky që shkaktoi reagimin e menjëhershëm të Kinës e cila e përshkroi udhëtimin e tyre si një “akt provokimi”.
Grupi u ul në Taipei me një avion ushtarak Boeing C-40A. Ministria e jashtme tajvaneze e konfirmoi vizitën dhe tha se udhëtimi u organizua nga Instituti Amerikan në Tajvan, që konsiderohet praktikisht si ambasada de facto e SHBA në Taipei. Ajo nuk i bëri të ditur emrat e ligjvënësve të përfshirë në vizitë, dhe as itinerarin e tyre, thotë CNN.
Marrëdhëniet mes Taipeit dhe Pekinit janë në pikën e tyre më të ulët në dekada, të shënjuara nga retorika e zjarrta dhe një qëndrim i fortë ushtarak. Muajin që shkoi, ushtria e Kinës dërgoi një numër rekord avionësh bombardues në zonën e identifikimit të mbrojtjes ajrore të Tajvanit, ndërsa Taipei deklaroi se do t’i përgjigjej çdo inkursioni.
Vizita e delegacionit amerikan erdhi në kohën kur Pekini ka nisur të zhvillojë “patrullime të gadishmërisë ushtarake” në afërsi të ngushticës së Tajvanit, të cilat synojnë përgatitjen maksimale për luftime të mundshme.
Top Channel
