Katër persona janë arrestuar nga policia në “Bypass-in” e Fierit pasi posedonin lëndë narkotike cannabis sativa që e kishin bërë gati për shitje.
Ata ishin me dy makina, një “Audi” dhe një “Citroen” kur u ndaluan nga policia. Forcat blu kishin marrë informacione në rrugë policore për posedimin e kanabisit dhe i ndaluan në bypass-in e Fierit gjatë operacionit policor të koduar “Seman”.
Në vijim të veprimeve u arrestuan në flagrancë për veprën penale “Prodhimi dhe shitja e narkotikëve” e kryer në bashkëpunim, shtetasit:
G. Z., 34 vjeç, banues në Tiranë;
A. M. (B)., 29 vjeç, banues në Ballsh;
J. K., 25 vjeç, banues në Topojë, Fier;
A. D., 23 vjeç, banues në Topojë, Fier.
Në cilësinë e provës materiale u sekuestruan 4 kg lëndë narkotike cannabis sativa, 2 automjetet dhe 5 aparate celularë. Vijon puna për identifikimin dhe kapjen e personave të tjerë që mund të jenë të përfshirë në këtë veprimtari kriminale.
Materialet procedurale do t’i kalojnë Prokurorisë pranë Gjykatës së Shkallës së Parë Fier, për veprime të mëtejshme.
Top Channel
