Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Elektriçisti 66 vjecar akuzohet për vrasjen e një burri dhe gjymtimin e disa të tjerëve në procedura ilegale.
Një burrë ka dalë në gjyq sot në Gjermani i akuzuar për vdekjen një personi dhe gjymtimin e disa të tjerëve me anë të operacioneve ilegale në organet e tyre gjenitale.
Por i akuzuari tha në gjykatën e Munih se kishte performuar procedurat me kërkesën e vetë burrave.
Emri i të akuzuarit nuk është publikuar për arsye privatësie. Ai thoshte gjithashtu se ofronte shërbime seksuale në faqet e sadomazokizmit, për të fituar para për shlyerjen e borxheve.
Burri kishte nisur të kryente “operacionet” e tij në tryezën e kushinës në qytezën e Markt Schwaben, teksa u thoshte viktimave se ishte mjek profesionist, raportonte agjencia gjermane Dpa.
I akuzuari pranonte se kishte kastruar ose gjymtuar pjesërisht organet e tetë burrave nga korriku 2018 deri në mars 2020. Por ai mohonte përgjegjësinë për një rast vdekje duke thënë se kishte ndodhur disa ditë pas procedurës.
Trupi i burrit të vdekur ishte gjetur në një kuti nga policia tre javë më vonë.
Prokurorët kanë ngritur akuza vrasjeje dhe dështim në thirrjen e ndihmës për rastin e burrit të vdekur, si dhe akuza për lëndime të rënda trupore.
Gjyqi vazhdon.
Top Channel
