Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Mbrëmje për t’u shënuar në kalendar nga Ernest Muçi, i cili luajti për herë të parë titullar në një ndeshje të Europa League, pikërisht në stadiumin “Maradona” të Napolit, por jo për Legian, që u dorëzua në 15 minutat e fundit të sfidës, duke pësuar jo pak por tre gola.
Muçi qëndroi në fushë deri në minutën e 71-të, për t’u zëvendësuar më pas nga Emreli, ndërsa Kastrati në të njëjtin çast mori vendin e Luquinhas. Deri në ato çaste, Muçi kishte dhënë ndonjë shkëndijë, siç ishte rasti i fundit të pjesës së parë, kur detyroi Manolasin të ndërhynte për karton të verdhë.
Pesë minuta pas largimit nga fusha të ish-sulmuesit të Tiranës, Lorenzo Insigne realizoi golin e parë për vendësit, më pas e tundën rrjetën Osimhen dhe Politano. Pasi është luajtur gjysma e ndeshjeve në grupe, Legia kryeson me 6 pikë, 2 më shumë se Napoli dhe Leicester City.
Një sfidë mjaft e bukur, e transmetuar nga SuperSporti, ishte dhe ajo e zhvilluar mes PSV Eindhovenit dhe Monacos, e fituar 1-2 nga skuadra nga Principata. Boadou i dha epërsinë Monacos në pjesën e parë, por ekipi holandez barazoi me Gakpo në minutën e 59-të. Gjithsesi, miqtë gjetën golin e fitores me Diop një minutë para përfundimit të kohës së rregullt.
Europa League
Eintracht Frankfurt – Olympiacos Piraeus 3-1
Lokomotiv Moscow – Galatasaray 0-1
Napoli – Legia 3-0
PSV – Monaco 1-2
Rangers – Brondby
Sparta Prague – Lyon 3-4
Sturm Graz – Real Sociedad 0-1
West Ham – Genk 3-0
Top Channel
