Ministri Ulsi Manja merr vendimin, pezullon nga detyra dy specialist-psikolog pranë burgut të Reçit
05/10/2021 21:40
E rëndë në Tiranë, 26-vjeçarja hidhet nga kati i pestë i pallatit ku banon 01/05 22:25
Ministri i Drejtësisë, Ulsi Manja ka dhënë urdhër për pezullimin nga detyra të Arnaldo Hoxhës dhe Mario Laloshit.
Të dy ishin specialist-psikolog në sektorin e çështjeve shoqërore pranë IEVP Reç në Shkodër. Ministri Manja e firmosi urdhrin për pezullimin e të dy punonjësve dhe fillimin e hetimit administrativ ndaj tyre.
Ndërkaq, për në IEVP Reç janë nisur grupet e inspektimit nga DPB dhe SHKBB për të zbardhur rastin.
Mario Latoshi dhe Arnaldo Hoxha, me detyrë specialist-psikolog në këtë institucion të vuajtjes së dënimit janë denoncuar se kanë kërkuar para nga një i dënuar në këmbim të disa shërbimeve.
Mario Latoshi është përgjegjës për kontaktet e të burgosurve me familjarët. Ndërsa Arlando Hoxha ndikon në raport-vlerësimin e sjelljes së të burgosurve, kur këta të fundit kërkojnë, që koha e mbetur e vuajtjes së dënimit, t’i konvertohet në arrest shtëpie apo shërbim prove.
Sipas bashkëshortes së të dënuarit, i takojnë të gjitha këto vlerësime lehtësuese, por gjërat bëhen enkas të vështira, për të zhvatur para nga dy specialistët-psikologë.
Top Channel
