Lezhë/ Arrestohet 52-vjeçarja, shpallet në kërkim djali dhe bashkëshorti, u kapën duke kultivuar drogë
30/09/2021 09:42
Ra në kontakt me energjinë elektrike, ndërron jetë 45 vjeçari në Lezhë
23/04 22:17
Policia e Lezhës ka goditur një rast të kultivimit të bimëve narkotike dhe si pasojë ka rënë në pranga një shtetase. Po ashtu janë shpallur në kërkim bashkëshorti dhe djali i saj.
Në pranga ka rënë një 52-vjeçare, e cila u kap në kushtet e flagrancës, duke kultivuar bimë narkotike në tokën në pronësi të tyre, në fshatin Gocaj, Lezhë.
“Shërbimet e Komisariatit të Policisë Lezhë, në vijim të punës së pandërprerë për parandalimin, evidentimin dhe goditjen e veprimtarisë së paligjshme të kultivimit të bimëve narkotike, pas informacioneve të marra në rrugë operative se në fshatin Gocaj, Një Administrative Balldre, po kultivoheshin bimë narkotike, kanë bërë arrestimin në flagrancë të shtetases:
A.C., 52 vjeçe, banuese në Gocaj, Lezhë.
Gjithashtu, janë shpallur në kërkim shtetasit F. C., 55 vjeç dhe A. C., 22 vjeç, bashkëshorti dhe djali i shtetases A. C.
Shtetasja A. C. është kapur në kushtet e flagrancës, duke kultivuar bimë narkotike në tokën në pronësi të tyre, në fshatin Gocaj, Lezhë”, njofton policia.
Materialet i kaluan Prokurorisë së Rrethit Gjyqësor Lezhë dhe Kurbin, veprime të mëtejshme.
Top Channel
