Zjarri i vret motrën dhe mbesën/ Rrëfimi i të afërmit të dy viktimave të tragjedisë në spitalin e Tetovës

10/09/2021 19:52

Tragjedia në Tetovë i shkaktoi dhimbje të dyfishtë Zemri Saitit, nga e cila pësoi motra dhe mbesa e tij.

E motra po trajtohej prej 12 ditësh për covid 19, ndërsa e bija e saj 29 vjeçare po kujdesej për të deri në momentin tragjik.

Zemriu tregon se kishte qenë aty 30 minuta para se spitali të përfshihej nga flakët, për çka thotë se po i mbet pikë në zemër sikur të kishte qëndruar dhe pak.

Megjithëse e infektuar me Covid 19, për të motrën 52 vjeçare, ai tregon se po kujdesej e gjithë familja për shkak të mungesës së kujdesit adekuat.

Trupat e pajetë nuk u lejuar familjarëve t’i marrin në shtëpi, por varrimi i tyre ishte përcaktuar të bëhej në mënyrë të organizuar nga bashkësia islame.

Përveç 52 dhe 29 vjeçares, në këtë tragjedi humbjen jetën edhe 12 persona të tjerë, për çka autoritetet maqedonase ende nuk kanë treguar se sa nga ta kanë qenë pacientë e sa familjarë që po kujdeseshin për ta.

Top Channel