Ngrihet alarmi në Izrael, frikë për urdhër-arreste nga gjykata e lartë penale e OKB-së! A rrezikon Netanyahu? 02/05 20:44
Vladimir Putin dukshëm i trishtuar, i dha sot lamtumirën e fundit ministrit të tij të emergjencave që më parë kishte qenë roja e tij personale, i cili vdiq të martën teksa përpiqej të shpëtonte jetën e një regjizori në manovrat në Arktik.
Lideri rus mbështeti dy herë kokën në arkivolin e hapur të 55 vjeçarit Yevgeny Zinichev, i cili qe mbështjellë me flamurin kombëtar.
Putin u ul më pas me të venë e ministrit Natalya dhe të birin Denis në ceremoninë funerale.
Presidenti foli për “humbje të pazëvendësueshme personale” me vdekjen e Zinichev – i cili ka qenë zv. drejtor i shërbimeve të sigurisë FSB.
Zinichev vdiq teksa tentonte të shpëtonte producentin Alexander Melnik, 63 vjeç, i cili ra në ujërat e akujt gjatë filmimit të manovrave të emergjencave në Arktik.
Putin i dha Zinichev titullin Hero i Rusisë pas vdekjes, që është nderimi më i lartë qeveritar në vend.
Disa besojnë se Putin po përgatiste Zinichev – i cili si ai ka qenë më parë operativ i KGB – as si një pasues i mundshëm. Ai kishte parë vetëm ngritje në karrierë me Putin dhe po konsiderohej së fundmi për një rol më të lartë në këshillin e sigurisë në Kremlin.
Nuk ka shumë detaje për incidentin por Zinichev besohet se vdiq pranë ujëvarës 30-metra të lartë Kitabo-Oron në rezervatin Putorana, që është një trashëgimi botërore e UNESCO në Arktik.
“Duke shpëtuar një jetë, ai nuk hezitoi për asnjë moment por vdiq duke përmbushur detyrën e tij”, tha mes të tjerash Putin.
Gjenerali po drejtonte manovrat ushtarake dhe të grupeve të emergjencës pranë qytetit të Norilsk.
Zinichev ka qenë ish-agjent i KGB e FSB dhe nën-drejtor i shërbimit federal të kundër-inteligjencës.
Ai ka shërbyer dhe si guvernator i Kaliningrad dhe ashtu si Putin ka lindur në Leningrad, tashmë i quajtur Shën Petersburg.
Top Channel
