Rritja e çmimeve për një sërë produktesh të konsumit të përditshëm është kthyer në një shqetësim për konsumatorin.
Prej gati 2 vitesh shqiptarët përballen me situatën e pandemisë dhe kostot e larta shëndetësore por ky dimër duket se do të shoqërohet edhe me të tjera rritje çmimesh.
Vera e nxehtë ka ndikuar në prodhimin më të pakët bujqësor për shumë produkte për të cilat sapo ka nisur vjelja.
Fermerët e fushës së Korçës janë ndër prodhuesit kryesore të fasules, patates, specit dhe prodhimeve të tjera të këtij sezoni por thatësira e verës ka ulur rendimentin ndërsa ka shtuar edhe sëmundjet për perimet duke u rritur atyre kostot. Efekti zinxhir ka nisur të reflektohet në çmim sepse siç tregojnë edhe vete ata më pak prodhim do të thotë më shumë kosto dhe çmim më i lartë.
Nuk është e pazakontë që fermerët shqiptarë të shesin me çmime më të ulëta se tregu dhe kjo edhe për shkak të kapaciteteve të pamjaftueshme frigoriferike por këtë vit prodhimi i tyre është disa herë më i pakët dhe kostot më të larta çka do të thotë se konsumatori do të duhet të shpenzojë disa herë më shumë për të blerë të njëjtat sasi produktesh.
Top Channel
