Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, ka njoftuar se gjatë 24 orëve të fundit janë bërë 10.614 testime nga të cilat 890 qytetarë kanë rezultuar pozitiv me virusin COVID-19.
Sipas njoftimit, gjatë 24 orëve të fundit, janë shënuar 24 humbje jete si pasojë e Covid.
“Në 24 orët e fundit janë dhënë 19.526 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 922.623 doza të vaksinës. Deri më sot 307.467 qytetarë janë vaksinuar me dozën e dytë. Sot janë shëruar 1.712 qytetarë, derisa numri i përgjithshëm i të shëruarve është 123.852. Në total numri i rasteve aktive është 26.688”, thuhet në njoftim.
Deri më 5 shtator janë dhënë mbi 922.623 vaksina kundër koronavirusit në Kosovë, ndërkohë që në total, 307.467 qytetarë janë vaksinuar me nga dy doza.
Top Channel
