Presidencialet në Rumani, sondazhet: Kandidati i Partisë Social-Demokrate udhëheq zgjedhjet 25/11 07:31
Një student italian vendosi të krijojë “trendin më të ri të tatuazheve”.
Andrea Colonnetta, student në universitetin Reggio Calabria kopjoi QR kodin e pasaportës së gjelbër dhe e vendosi si tatuazh në krahun e tij.
Andrea e ndau këtë eksperiencë të veçantë në Tgcom, ku tregoi se kodi funksionon vërtet. Kështu, atij nuk i duhet të nxjerrë dokumentin që vërteton se është vaksinuar ndaj Covid 19, por thjesht të “skanojë krahun”, për të hyrë në bare e restorante.
“Ideja buron nga qëllimi për të memorizuar periudhën në të cilën po jetojmë, në një mënyrë unike“, shpjegon i riu që nuk pendohet për gjestin e bërë. Atyre që e pyesin se çfarë do të bëjë kur të skadojë pasaporta e vaksinimit, Andrea përgjigjet: “Nuk ka rëndësi, nuk e kam bërë tatuazh për dobinë e tij, por për atë që përfaqëson”.
Pasaporta e gjelbër po bëhet çelës i vetëm në shumë shtete perëndimore, prë të hyrë në lokale, restorante, muze dhe ambiente të tjera të mbyllura.
Top Channel
