Mërkuri në retrogradë do të ketë më pak ndikim vetëm në këto 3 shenja 27/11 08:42
Petr Schweiner, Milan Makula, Jakub Bezstarosta nga Çekia dhe Marco Kiederle nga Gjermania vendosën që për një javë të bëjnë një ‘tour adrenaline’ në bjeshkët e Kosovës dhe Shqipërisë.
Bashkë me grupin nga Kosova, ata kanë realizuar ngjitjen në majën e Korabit.
Grupi çeko-gjerman erdhën në Kosovë në fillim të gushtit, ku po realizojnë disa ture në Kosovë dhe Shqipëri.
Ata janë të mahnitur me pamjet që kanë bjeshkët e Kosovës dhe Shqipërisë. Restelica, Shtegu i Ngjyrave dhe Korabi janë destinacionet kryesore që kanë realizuar mes për mes 3 kufijve shteterorë Kosovë-Maqedoni e Veriut-Shqipëri.
Ndër të tjera, turistët vlerësojnë mikpritjen e popullit të Kosovës dhe Shqipërisë.
“Ishte shumë mirë. Kishte terren nga më i lehti te më i vështiri. Shpresoj të vij sërish. Kush e do motorrin, ia propozoj Kosovën dhe Shqipërinë. Ushqime deri tani nuk na kanë lënë të paguajmë, të gjitha na i kanë paguar, janë shumë njerëz të mirë dhe mikpritës”, thotë Marco Kiederle.
Top Channel
