Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Merkato “faraonike”, David Beckham imazh, dy kampionë si Higuain dhe Matuidi në fushë, një trajner i rëndësishëm si Phil Neville dhe emri i Lionel Messit si përforcim në të ardhmen… Duket e paimagjinueshme që Inter Miami rezulton të jetë ekipi më i keq në MLS.
Renditja është e pamëshirshme. Skuadra nga Florida është e fundit në renditjen e Konferencës Lindore, me 2 fitore dhe 2 barazime në 12 ndeshje. Vetëm 8 pikë të mbledhura e bëjnë ekipin absolutisht më të keqin ndër 27 pjesëmarrëset në në MLS. As në Konferencën Perëndimore nuk ka një ekip që gjendet kaq keq.
Fillimi ishte i pranueshëm, me 8 pikë në 6 sfidat e para dhe kishte hapësirë për përmirësim. Por pastaj situata u përkeqësua. Në 6 ndeshjet e fundit ka pasur 6 humbje, e fundit kundër New England Revolution të ishte një 0-5 shumë e rëndë, në shtëpi.
Për t’ia bërë edhe më të vështirë punën trajnerit Phil Neville, vjen dhe dëmtimi i Gonzalo Higuain. Argjentinasi është ndër të paktët që mund shpëton sa u përket statistikave. Ka shënuar 5 gola, por në takimin e fundit u dëmtua, duke u zëvendësuar nga vëllai i tij, Federico. As ai nuk u shpëtoi vërshëllimave të publikut ndërsa po linte fushën.
Neville është në pozicion shumë të vështirë, miku u tij, Beckham, mund të vihet para përgjegjësisë për të marrë një vendim ekstrem.
Top Channel
