Një aksident i rëndë ndodhi dje në aksin rrugor Gramsh-Kushov.
Një autobus me pasagjerë ka dalë nga rruga dhe ka rënë në përrua, e për pasojë ka humbur jetën një 30-vjeçar, ndërsa janë plagosur edhe 9 persona të tjerë.
Policia njofton se 9 pasagjerët e plagosur ndodhen jashtë rrezikut për jetën, ndërsa kanë arrestuar shoferin e autobusit.
Njoftimi
Në vijim të informacionit të dhënë ditën e djeshme ku në aksin rrugor Elbasan-Kërpicë, në fshatin Bregas, mjeti minibuz me drejtues shtetasin A.Xh., 47 vjeç, ka dalë nga rruga dhe për pasojë humbi jetën shtetasi L.L., dhe u plagosë drejtuesi i mjetit dhe 9 pasagjerët shtetasit , E.S., 25 vjeçe , O.B., 29 vjeçe, S.R., 75 vjeç, B.G., 59 vjeçe , N.R., 61 vjeçe, A.P., 60 vjeç, E.P., 55 vjeçe , J.Ç., 18 vjeçe dhe V.L., 26 vjeç, dhe ndodhen jashtë rrezikut për jetën.
Në përfundim të veprimeve hetimore specialistët e Qarkullimit Rrugor në Drejtorinë Vendore të Policisë Elbasan, arrestuan në flagrancë shtetasin: A.Xh., 47 vjeç, banues në fshatin Kodovjat, Gramsh.
Matrialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme procedurale.
Top Channel
