Turistja 31 vjeçare humb jetën teksa bënte ‘selfie’ nga buza e kraterit të vullkanit në Indonezi (fotot)
23/04 21:38
Më poshtë pasqyrohen momentet e tmerrshme kur një grua e re shtypet për vdekje nga ekranet gjigande të karaokes, teksa festonte ditëlindjen e saj në një klub nate në Rusi.
Tatiana Pokhorenko, 35 vjeçe, vdiq në vend pasi struktura e metaltë rreth 200 kg me gjashtë ekrane ra mbi të teksa këndonte, në qytetin Surgut në perëndim të Siberisë.
Incidenti tragjik u regjistrua nga kamerat e sigurisë në barin Gallery Club ku Tatiana ishte duke festuar ditëlindjen me miqtë e saj. Pamjet janë publikuar së fundmi.
Pronari i klubit Semen Kopaigora u arrestua për vrasje nga pakujdesia dhe iu dha dënim i pezulluar tre vjet burg, për incidentin e ndodhur në 2018.
Në video, Tatiana shihet që kërcen nën strukturën që qëndron e varur nga tavani.
Në pamje shihet struktura që nis te ngrihet lart, me një mekanizëm që kontrollohet nga DJ i mbrëmjes.
Por disa sekonda më vonë e gjithë struktura bie nga një lartësi prej 7-8 metrash, duke zënë poshtë Tatianën.
Në pamje shihen më tej dëshmitarët e shokuar që nxitojnë në skenë për të ngritur strukturën e shembur, ndërsa qëndron palëvizur e shtrirë në pistën e kërcimit.
David Skvortsov, i cili punonte si DJ mbrëmjen e tragjedisë, tha për mediat: “Unë po ngrija ekranet në mënyrë që tekstet e këngës të shiheshin dhe nga klientët e katit të dytë. Por në një moment ekranet e karaokes ranë poshtë dhe vranë gruan”.
Pronari i barit, i identifikuar si Semen Kopaigora, u shpall fajtor për ngjarjen.
Më 6 korrik ai u dënua për vdekje nga pakujdesia dhe mori dënimin tre vjet burgim i pezulluar.
Prokurorët thanë se Kopaigora “kishte instaluar strukturën me ekranet e karaokes pa u siguruar për standardet e sigurisë”.
Gjykata e Surgut tha se dënimi ishte reduktuar prej rrethanave lehtësuese, saktësisht faktin që është familjar me dy fëmijë dhe veprimet e kompensimit ndaj të afërmve të viktimës, sipas mediave vendase.
Top Channel
