Dëmtoi makinën e policisë teksa bënte manovra të rrezikshme në rrugë, arrestohet 22-vjeçari në Sarandë

Sipas policisë, në datën 3 korrik, ky shtetas ka dëmtuar xhamin e makinës së forcave blu dhe më pas nuk ka ndaluar, pasi nuk kishte patentë.

22-vjeçari me iniciale I.J. do të hetohet më tej nga Prokuroria e Sarandës.

Njoftimi i policisë:

Vihet në pranga një 22-vjeçar i shpallur në kërkim për veprat penale “Shkatërrimi i pronës”, “Mosbindja ndaj urdhrave të ligjshme të punonjësit të policisë së rendit publik” dhe “Drejtimi i automjeteve në mënyrë të parregullt”.

Specialistët për Hetimin e Krimeve në Komisariatin e Policisë Sarandë, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin I. J., 22 vjeç, banues në Sarandë.

Ndalimi i tij u bë pasi ky shtetas në datën 03.07.2021, duke kryer manovra të gabuara ka dëmtuar xhamin e një mjeti të policisë si dhe nuk i ka ndaluar punonjësve të policisë pasi ishte i pa pajisur me leje drejtimi.

Materialet hetimore i kaluan Prokurorisë pranë Gjykatës së Shkallës së Parë Sarandë, për veprime të mëtejshme procedurale.

Top Channel