“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Shërbimi Spitalor Klinik Universitar i Kosovës ka njoftuar të hënën (21 qershor) se aktualisht në Qendrën Klinike Universitare të Kosovës (QKUK) dhe në spitalet e përgjithshme janë duke u trajtuar 63 pacientë me COVID-19.
Prej tyre, 51 janë duke u trajtuar me oksigjeno-terapi, kurse 3 janë në gjendje të rëndë shëndetësore.
Ministria e Shëndetësisë njoftoi të dielën (20 qershor) se një person ka vdekur dhe janë regjistruar tetë raste të reja me koronavirus.
Sipas raportit ditor të MSH-së, rastet e reja dolën pas testimit të 2.112 mostrave në laboratorët shtetërorë dhe privatë.
Kosova në total ka regjistruar 107.653 raste me COVID-19. Prej tyre, 2.225 pacientë kanë vdekur dhe 105.227 janë shëruar.
Sa i takon vaksinimit, të dielën u informua se në 24 orët e fundit janë vaksinuar 965 persona kundër koronavirus. Në total, Kosova ka administruar 133.868 doza të vaksinës, ndërkaq 17.811 qytetarë janë vaksinuar plotësisht.
Më 15 qershor, në Kosovë ka nisur fushata e vaksinimit masiv. Autoritetet mëtojnë që deri në fund të vitit të vaksinojnë 60 për qind të popullatës.
Aktualisht, vaksinimi po kryhet me dozat që Kosova ka marrë donacion nga Bashkimi Evropian dhe nga programi COVAX i Organizatës Botërore të Shëndetësisë. Ndërkaq, vaksinat e kompanisë Pfizer, me të cilën Qeveria ka nënshkruar kontratë për blerjen e 1.2 milion dozave, nuk dihet se kur do të arrijnë në Kosovë.
Top Channel
