Një vit më parë mbetjet urbane të bashkisë së Kurbit, depozitoheshin në Kurorën e Gjelbër që ndodhet sipër qytetit të Laçit.
Që nga viti 2005-2020 në këtë kodrinë depozitoheshin 20 ton plehra në ditë.Prej disa muajsh mbetjet urbane nuk shkarkohen më këtu, por në landfillin e Bushatit, mali me mbetje urbane vazhdon të jetë kullota e derrave të zonës. Edhe pse kamionët e mbetjeve urbane nuk zbrazen më në Kurorën e Gjelbër, mungesa e rehabilitimit të landfilli ndot ajrin tokën dhe ujin.
Ndërsa gjatë stinës së verës në ditët e nxehta kur temperaturat shkojnë mbi 40 grade Celsius, ky vendgrumbullim mbetjesh mund të marrë flakë, duke rrezikuar kështu edhe pylli i pishave. Qyteti i Laçit dhe rrethinat në Bashkinë Kurbin, sipas të dhënave nga Ministria e Infrastrukturës dhe Energjisë, prodhojnë rreth 13,439 ton mbetje çdo vit, prej të cilave arrihet të grumbullohen 10,022 ton.
Në zonat e thella malore makina e mbetjeve urbane e ka të pa mundur të bëje mbledhjen e plehrave, për pasojë banorët e këtyre zonave mbetjet i asgjësojnë duke i vënë zjarrin ose duke I hedhur në përrenj.
Çdo familje në këtë bashki paguan 1,500 lekë çdo vit si tarifë për menaxhimin e mbetjeve, këto para duket se nuk janë të mjaftueshme për të mbyllur varrin e mbetjeve. Ky krim mjedisor në Shqipëri përsëritet në 200 vendgrumbullime, nga ana tjetër është Inspektoriati i Mjedisit institucioni që duhet të gjobisë bashkitë për këtë katastrofë mjedisore.
Top Channel
