FOTOT/ Dyshohet se çoi drejt vetëvrasjes gruan dhe tre fëmijët e mitur, çfarë postonte në rrjetet sociale Ergys Arazi, detajet që bien në sy
05/05 22:50
Ka nisur ditën e sotme në Kuvend seanca ku do të vendoset shkarkimi i presidentit Meta, ndërkohë që ky i fundit vijon me agjendën e tij, sikur të mos ketë ndodhur asgjë!
Presidenti Meta do të ketë momente festive sot në institucionin që drejton teksa pritet të jetë mikpritës i Ansamblit Folklorik të Dibrës “Hazis Ndreu” ku do të zhvillohet një aktivitet kulturor.
“Sot në ora 11:00, në kuadër të nismës “Artistët në Presidencë”, në institucionin e Presidentit të Republikës do të zhvillohet një aktivitet kulturor me Ansamblin Folklorik të Dibrës “Hazis Ndreu”.
Gjatë këtij aktiviteti, Presidenti Meta do të nderojë me Tituj edhe disa nga personalitetet e shquara të këtij Ansambli, si dhe do të mbajë një fjalë rasti.
Ftohen mediat për transmetim LIVE!”, njofton Presidenca.
Ndërkohë, deputetët e kuvendit gjenden përballë kutisë së votimit historik për shkarkimin e presidentit. Në këtë përballje finale me Ilir Metën socialistëve u duhen 94 vota, të cilat të vetëm nuk i kanë.
Jo një, jo dy por plot 16 shkelje kushtetute i gjeti komisioni hetimor presidentit Ilir Meta, duke i propozuar parlamentit shkarkimin.
Top Channel
