Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Villarreali bën historinë në futbollin e Kontinentit të Vjetër. Skuadra spanjolle është ajo që fitoi Europa League pas një finale dramatike të zhvilluar në Gdansk të Polonisë ku gjithçka u zgjidh pas gjuajtjeve të 11 metërshave teksa 120 minutat e kohës së rregullt dhe asaj shtesë u mbyllën me rezultatin 1-1.
Villarreall fiton trofeun e parë evropian në historinë e tij, ndërsa trajneri i tij Unai Emery konfirmohet si specialisti i kompeticionit teksa bëhet trajneri më më shumë fitore të këtij turneu, 4 në total.
Pjesa e parë e kësaj finaleje u mbyll me avantazhin e Villarrealit me golin e shënuar nga Gerard Moreno me ‘Nëndetësen e Verdhë’ që shfrytëzoi më së miri rastin që iu dha në portën e De Geas. Pas këtij goli, Manchester United u bë padron i zotërirmit të topit dhe pati shanset e tij, por nuk patën rrezikshmëri të lartë. Pjesa e dytë nisi me një rast të Villarrealit me Baccan, por ishte Manchester United ai që shënoi golin e barazimit me Edinson Cavanin, gol që u konfirmua nga sistemi VAR.
Pas këtij momenti, Manchester United tentoi të shënojë sërish dhe iu afrua shumë golit të dytë me Rashford që nuk ishte i saktë në gjuajtjen e tij, ndërkohë që më pas tentoi edhe Cavani. Sulmet e ‘Djajve të Kuq’ në portën e Villarrealit nuk reshtën, por nuk arritën të dërgonin topin në rrjetë dhe 90 minutëshi u mbyll me barazimin 1-1 dhe skuadrat iu drejtuan kohëve shtesë.
Por edhe në këto 30 minuta gjërat nuk ndryshuan dhe rezultati mbeti 1-1 gjë që bëri që skuadrat t’i drejtoheshin lotarisë së 11 metërshave për të përcaktuar skuadrën fituese të Europa League. Por edhe në këtë pikë asnjë prej skuadrave nuk lëshonte pe dhe emri i skuadrës kampione të kompeticionit iu mësua vetëm pas ekzekutimit të 22 penalltive.
Ishin portierët ata që vendosën fatin e finales dhe jo me pritjet e tyre pasi deri në 2 gjuajtjet e fundit askush nuk gaboi. Rulli u tregua i saktë në gjuajtjen e tij, ndërsa De Gea ndëshkoi të tijtë pasi gjuajtja e tij u prit nga kolegu i tij i Villarrealit që shpërtheu në festë për këtë fitore të madhe.
Top Channel
