Aksidenti në aksin rrugor Tapizë-Fushë Krujë, arrestohet 31-vjeçari
20/05/2021 08:47
Anulimi i provimit të fazës së dytë, reagon Shkolla e Magjistraturës: Pasi u bë verifikimi i të gjitha ankesave… 24/04 22:03
Foto ilustruese
Dy persona kanë rënë në prangat e policisë për vepra të ndryshme penale në Durrës.
Mësohet se Specialistët për Krimet në Komisariatin e Policisë Durrës ndaluan një 33-vjeçar në kërkim pasi Gjykata e Shkallës Parë Durrës, e ka dënuar me 1 muaj burg, për “ Mosdhënia e mjeteve për jetesë ”.
Gjithashtu, është arrestuar në flagrancë një 31-vjeçar banues në Arrameras të Krujës, i cili në aksin rrugor Tapizë – Fushë Krujë, duke drejtuar mjetin tip “Audi”, është përplasur me motorin tip “Yamaha”, me drejtues shtetasin H.K., 60 vjeç, banues Fushë Krujë. Për pasojë, drejtuesi i motorit ka marrë lëndime dhe është dërguar në Spitalin e Traumës Tiranë.
DVP Durrës
Vihen në pranga 2 shtetas për vepra të ndryshme penale. Specialistët për Krimet në Komisariatin e Policisë Durrës kanë ndaluar shtetasin në kërkim E.Ç., 33 vjeç, banues në Durrës pasi Gjykata e Shkallës Parë Durrës, e ka dënuar me 1 muaj burg, për veprën penale “ Mosdhënia e mjeteve për jetesë ”.
Gjithashtu, është arrestuar në flagrancë shtetasi F.Ç., 31 vjeç, banues në Arrameras, Krujë, pasi në aksin rrugor Tapizë – Fushë Krujë, duke drejtuar mjetin tip “Audi”, është përplasur me motorin tip “Yamaha”, me drejtues shtetasin H.K., 60 vjeç, banues Fushë Krujë.
Për pasojë është aksidentuar drejtuesi i motorit, i cili ndodhet në Spitalin e Traumës Tiranë nën kujdesin e mjekëve. Materialet i kaluan Prokurorisë së Rrethit Gjyqësor Durrës për veprime të mëtejshme.
Top Channel
