Sarandë/ Shoferi humb drejtimin e mjetit dhe përplaset, plagoset i mituri
15/05/2021 14:44
Anulimi i provimit të fazës së dytë, reagon Shkolla e Magjistraturës: Pasi u bë verifikimi i të gjitha ankesave… 24/04 22:03
Foto ilustruese
Një aksident ka ndodhur mesditën e sotme në aksin rrugor Sarandë-Ksamil. Policia njofton se shoferi ka humbur kontrollin e mjetit dhe për pasojë është përplasur me një mur mbajtës.
Si pasojë e kësaj goditjeje është plagosur një i mitur, i cili ishte pasagjer në mjet, por fatmirësisht është jashtë rrezikut për jetën.
“Më datë 15.05.2021, në aksin rrugor Sarandë-Ksamil, shtetasi F. N ka humbur kontrollin mbi mjet dhe për pasojë është përplasur me murin mbajtës. Si pasojë është dëmtuar pasagjeri në këtë mjet, shtetasi i mitur me iniciale R. P, i cili është transportuar në spital për ndihmë mjekësore, jashtë rrezikut për jetën.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit”, njofton policia.
Top Channel
