Aksidenti i rëndë që ndodhi mesditën e sotme në Bubullimë të Lushnjes shkaktoi vdekjen e dy personave.
Burime për Top Channel bëjnë me dije se 68-vjeçari, i cili drejtonte automjetin është identifikuar si Xhezmi Oshafi nga Ura Vajgurore dhe punonte si taksist.
Vajza që ndodhej në automjet është identifikuar si Aurora Basha, 22-vjeçare, e cila dyshohet se ishte pasagjere në taksi.
Aksidenti u shkaktua pasi makina ka dalë nga rruga dhe për pasojë ka përfunduar në kanalin e mbushur plot me ujë.
Policia ka shkuar në vendin e ngjarjes dhe është duke punuar për zbardhjen e plotë të rrethanave të aksidentit.
Top Channel
