FOTOT/ Ky është ish i dashuri i këngëtares shqiptare i shpallur në kërkim për vrasjen e 27-vjeçarit, mik i ngushtë i Stresit

11/05/2021 09:01

Vrasja e 27-vjeçarit në Tiranë, Mehmet Qema tronditi mbrëmjen e djeshme kryeqytetin. “Top Channel” mëson se një nga të shpallurit në kërkim për moskallëzim krimi është edhe ish i dashuri i këngëtares shqiptare Baby G, njëkohësisht edhe mik i ngushtë i Stresit, Blerim Hoti, ose i njohur ndryshe si Lim Hoti.

Gjithashtu në vendin e ngjarjes dhe i shpallur në kërkim është edhe Erlin Peka, i cili ndodhet në krah të moderatorit të njohur.

Mësohet se viktima Mehmet Qema njihej edhe me nofkën ‘Tallman’ ose ‘Hasjanali’ dhe vetëm disa ditë më parë kishte ardhur nga Londra.

Njoftimi i plotë:

Zbardhet ngjarja e ndodhur mbrëmjen e djeshme në rrugën “5 Maj” ku u vra me armë zjarri një 27-vjeçar.

Identifikohet dhe shpallet në kërkim autori i dyshuar i dyshuar i ngjarjes.

Gjithashtu janë shpallur në kërkim dhe 5 shtetas të tjerë për veprat penale “Moskallëzim krimi” dhe “Veprime që pengojnë zbulimin e së vërtetës”.

Specialistët për Hetimin e Krimeve në Komisariatin e Policisë Nr.4, në bashkëpunim me Sektorin e Krimeve të Rënda në DVP Tiranë, nën drejtimin e Prokurorisë në vijim të veprimeve hetimore të kryera për zbardhjen dhe dokumentimin e ngjarjes së ndodhur mbrëmjen e djeshme, ku mbeti i vrarë me armë zjarri shtetasi M. Q., 27 vjeç, bazuar dhe në provat e grumbulluar, bënë të mundur identifikimin dhe shpalljen në kërkim të autorit të dyshuar të kësaj ngjarjeje shtetasit : M. D., 28 vjeç, i shpallur në kërkim për veprat penale “Vrasje me dashje” dhe “Armëmbajtja pa leje”.

Në vijim të veprimeve janë shpallur në kërkim edhe shtetasit E. P., 27 vjeç, B.H., 28 vjeç, B. A., 23 vjeç, F. M., 29 vjeç dhe Xh. K., 19 vjeç, për veprat penale “Moskallëzim krimi” dhe “Veprime që pengojnë zbulimin e së vërtetës”.

Punohet për sqarimin e plotë të ngjarjes dhe për kapjen e shtetasve të shpallur në kërkim.

Materialet i kaluan Prokurorisë pranë Gjykatës së Shkallës së Parë Tiranë, për veprime të metejshme.

FOTO GALERI
2/15

Top Channel