Dy të vdekur dhe 5 të plagosur rëndë, është bilanci i tre aksidenteve të ndodhura brenda 24 orëve në rrugët e Lezhës.
Në orët e para të mëngjesit në Milot u përplasen dy automjete si pasojë e një parakalimi të gabuar ku mbeti i vdekur 35-vjeçari, Fitor Ollomani nga Kukësi, i cili ishte punonjës i zyrës arsimore.
Gjatë ditës së djeshme në afërsi të fshatit Ishull Lezhë një 15-vjeçare ndërsa kalonte rrugën nga njëra anë në tjetrën u përplas nga një automjet dhe mori plagë të rënda dhe u transportua për në spitalin e Traumës në Tiranë.
Disa minuta më vonë në afërsi të kryqëzimit të Kakarriqit dy automjete u përplasën kokë më kokë me njëra-tjetrën si pasojë e një parakalimi të gabuar dhe katër anëtarë të një familje morën plagë të rënda, por plagëve nuk mundi t’i shpëtonte Marjeta Gjergji, infermiere në maternitetin e Lezhës.
Rrugët pa standarde dhe mosrespektimi i sinjalistikës rrugore nga drejtuesit e automjeteve po përgjak çdo ditë rrugët e vendit tonë.
Lapidarët e njëpasnjëshëm janë dëshmia e jetëve të humbura nga aksidentet rrugore.
Top Channel
