Presidencialet në Rumani, sondazhet: Kandidati i Partisë Social-Demokrate udhëheq zgjedhjet 24/11 21:42
Izraeli ndërmori gjatë natës sulme ajrore në jug të Sirisë, në provincën Quneitra raportoi media shtetërore siriane.
Bombardimet erdhën një ditë pasi një civil u vra dhe 6 të tjerë u plagosën në rajonin veriperëndimor të Latakiasë, bastion i njohur i minoritetit alavit të presidentit Bashar al Assad.
Agjensia shtetërore siriane e lajmëve, Sana, tha se të paktën një sulm izraelit në Quneitra u krye me helikopterë. Observatori sirian për të drejtat e njeriut me qendër në Britani pohoi dhe ai se ka pasur bombardime të shtetit hebre. Sipas Observatorit, bombat izraelite shënjestruan brigadën e 90-të të ushtrisë siriane dhe pozicionet e regjimit në afërsi të Lartësive Golan.
Izraeli rrallëherë konfirmon sulme specifike në Siri, por që prej fillimit të konfliktit të brendshëm në këtë vend në 2011-tën, forcat izraelite thuhet të kenë ndërmarrë me qindra sulme përtej kufirit. Vetëm në 2020-tën, besohet që ushtria e tij të ketë shënjestruar të paktën 50 objektivë.
Izraeli pretendon se po përpiqet të parandalojë Iranin, një aleat kyç i qeverisë siriane, që të fitojë ushtarakisht terren në pragun e derës së tij. Me mijëra paraushtarakë shiitë, të rekrutuar nga vende të ndryshme por aleatë të Iranit, janë zhvendosur në mbarë Sirinë në mbështetje të qeverisë së Assadit.
Top Channel
