Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
Një anëtare e lartë e stafit në ambasadën zvicerane në Teheran të Iranit, ka vdekur pasi ra nga ndërtesa shumëkatëshe ku ajo jetonte.
Sipas BBC, një zëdhënës i shërbimeve të urgjencës tha se gruaja 51-vjeçare ishte sekretare e parë në ambasadë, megjithatë nuk e tregoi emrin e saj.
Policia në zonën Kamraniyeh thirri mjekët e ndihmës së parë të martën në mëngjes, por ajo “kishte vdekur në vend”, tha ai.
Ministria e jashtme zvicerane konfirmoi se një punonjëse kishte vdekur në një incident.
“Departamenti Federal i Punëve të Jashtme dhe kryetari i tij Këshilltari Federal, Ignazio Cassis janë shokuar nga vdekja tragjike dhe i shprehin ngushëllimet e tyre më të thella drejt familjes”, tha një zëdhënës.
Ministria shtoi se ishte në kontakt me familjen dhe me autoritetet iraniane.
Top Channel
