VIDEO/ Goditi brutalisht burrin me nevoja të veçanta që ishte në karrocë, vihet nën hetim polici britanik 22/05 16:43
Një ushtarak i lartë britanik raportohej sot se ishte përjashtuar nga funerali zyrtar i princit Philip pasi krerët e ushtrisë zbuluan se bashkë me partneren e tij, shpërndanin videot e tyre të seksit në rrjetet pornografike.
Leitnanti Harry Sutton, nga Derby, ishte caktuar më parë si drejtues i bandës së Gardës në funeralin e Dukës së Edinburg në kështjellën Windsor në fillim të muajit.
32-vjeçari tha më herët se ishte “një nder për të” të drejtonte bandën, por ishte tërhequr duke u justifikuar se “kishte derdhur kafe në uniformën e tij ceremoniale”, shkruan The Sun.
Por tashmë mësohet se Sutton ishte skualifikuar momentet e fundit pasi shefat e tij ishin vënë në dijeni se bashkë me partneren e tij Gemma Nixon shisnin videot e tyre të seksit për rrjetet pornografike.
Sutton u zëvendësua momentet e fundit nga majori Scott Fitzgerald.
Aktiviteti i tij pornografik ishte zbuluar gjatë “vettingut” që po i bëheshin pjesëmarrësve në paradën madhore të funeralit.
Një burim tha për të përditshmen: “Harry u trondit shumë por e pranoi vendimin. Ai nuk kishte bërë diçka të paligjshme por e kupton vendimin e ushtrisë. Ishte një vendim i vështirë por Ushtria nuk dëshironte çështje të tjera që të largonin vëmendjen nga dita solemne e funeralit të Dukës së Edinburg”.
Top Channel
